يا سيد إحساسي يا طاهر يا مزيون
لا تلوم كل الناس لو يعشقونك
لو كل من شافوك مثلي يسمون
ما شلت هم وخفت لا ينظلونك
سبحان من خلاني أصير مجنون
وخلاني استانس معاك وبدونك
وخلاني اطلع لك وأنا فيك مسكون
وقمت أحسدك نفسي مع اللي يبونك
ومن دون ما نسولف عن أول ومن دون
الهرج باللي فات يقلق ظنونك
ما قلت لك مالــِ المحبين قانون
وما قلت لك من خان لــ أجلك يخونك
قلبي طلع من بين الاضلاع مغبون
وأنت بمكانه " صرت " تنبض بهونك
كنك تنادي طفل وبيدك بالون
وركز بوجهك ما درى عن بالونك
يشبهك لون الما لو الما بلا لون
ووشلون أميز بين طهرك ولونك
من شوفتك بالكون مدري وش يكون
حد علمي بنفسي وأنا في عيونك
بس اذكر أني خايف الناس يدرون
وتصير قصة كل من يجهلونك
ومن دون شوفة ضحكتك مابي عيون
و الله يقدرني و احفظك و اصونك
لو حاجبك ما هو معقد ومقرون
حلّيت مشكلتي قبل ياخذونك
يــا غايتي شكراً جزيلاً وممنون
اخجلت عقلي في بلاغة جنونك
أمون يــا عيني على رقبتك أمون
ومبسوط من عمري على اطراف كونك
ومادمت حي ار******** وهايم ومفتون
ما والله اثني خطوة العمر دونك
وما ودي استعجل على شي مضمون
وما ودي أرجع منك ما شفت عونك
ما قلت لك قابلك ربي ومزيون
ولا تحط شي ولا تكحل عيونك
وش السواة ؟ إن ما ضمنتك ووشلون ؟
وليتك تحددني من اللي يجونك
اهم شي ما أهون عندك وما تهون
ولا تعيش من دوني ولا أعيش من دونك
بقلم الشاعر // عبدالله الراشد
*•~-.¸¸,.-~*ΩΩ وش السواة ؟ ΩΩ*~-.¸¸,.-~•* 
رد: *•~-.¸¸,.-~*ΩΩ وش السواة ؟ ΩΩ*~-.¸¸,.-~•* 
