•• الســـلام عليــــكمـ ورحمة الله وبركــــاته ••

قصيـــدهـ محزنـــــه ومؤثــــرهـ اعجبتنـــي ..
" اتمنى تنـــــآآل إعجــــابــكمــ "







البارحه صدري به الهـم مكنـون

اسهر بليل وليـل الاحـزان طالـي

ماغير ابدل حالة الضيـق بالهـون

وفكري بذهني الوساويـس شالـي

جريت صوت الحزن والقلب مطعون

كني على ظهـر البسيطـه لحالـي

والفجر بيّن واكثر النـاس يدعـون

ربٍ كبيرٍ مـايـرد الـسـؤالـي

صليت فرضي مع عبـادٍ يصلـون
ودعيت رب البيت يستــر خمـالـي
ورجعت داري ناوي النوم بسكون
والنـوم عيّـا لايقـرب مجـالـي
والظهر قرّب واكثر الناس يمسـون
وانا وبيـن الهـم بألـ 1000ـف احتمالـي
والباب دق وصحت ابيهم يـردون
جاني الولد يصرخ ترى الضيـف خالي
والخال اقبل والحزن تقـل مدفـون
في وسط صدره وكن شيٍ طرالـي
قال البقية براسكـم عــل تبقـون
هذا القدر مكتوب من عنـد والـي
ماني مصدق مسمعـي لاتقولـون
أبوي عايش خـل عنـك الهبالـي
ماني مصـدق هالخبـر لاتلومـون
تـوه مكلمنـي وسائـل بحـالـي
وضعه سليم وصحته ماهي بـدون
حتى الورم شالـوه واظـن زالـي
قالوا لكــلاه اليـوم لازم يغسلـون
حتى الريــه ادمت وفيهـا اختلالـي
والكبد راحت والورم صدق ملعون
اللـي تمكـن فيـه أول وتـالـي
قالوا توفى قلـت يانـاس تكفـون
وشلون راح اللي به القلب سالـي
جابوه يوم الأربعاء نقل مشحـون
وعصر الخميـس بيدفنونـه بحالـي
جابوه للمسجد وقامـوا يغسلـون
بالمسك والكافـور يمـن وشمالـي
وحطوا النعش فوقه وقاموا يلفـون
جسمٍ كريـمٍ مايعـوض بمـالي
ناظرت وجهه مبتسم وجه مزيـون
حبيت راسه ثـم خشمـه بعالـي
صلوا عليه وداخلي هـم وحـزون
ودعيـت ربٍ مايـرد ابتهـالـي
سلم وسلمنـا وقامـوا يشيلـون
جثمـان غالـي مايفكـه جدالـي
حطّوه في قبـره وقامـوا يهلـون
عليه دمـع مثـل وبـل الخيالـي
جلست صوب القبر والحزن مسجون
في وسط قلبـي والمحاجـر سيالـي
وقمت اشتكيله حالتي وماهو جنـون
ودي أسولف له بشـيٍ فـبالـي
أبـوي ناصـر لاتخلينـي بـهـون
وشلون أعيـش بدنيتـي بانعزالـي
وشلون أبعرس دونك اليوم وشلون ؟
يوم التخرج ميـن ابلقـى قبالـي
ولامن رثـتـني دنيتي بحـال مطعـون
منهـو يساندنـي بـذيـك الليالـي
يابوي صارت دنيتـي مالهـا لـون
ماعدت افرق بيـن مـرٍ وحالـي
مرحوم ياللي بالسخيات مضمـون
مرحوم ياللـي بالمهمـات جالـي
شهمٍ عزيـزٍ للصعيبـات مامـون
كـلن يحبك مـن عمـام وخوالـي
ماقد تأنى بالكـرم لجـل مخـزون
مدّت يدينه مـن تحتهـا ظلالـي
حتى حلالك يفقـدك دوم يبكـون
مالوم لو يبكـي عليـك الحلالـي
مرحوم ياللي بالكرم كان مفتـون
تبقى وتبقى داخل القلـب غالـي
مرحوم ياللي سمعتـه نعـم مليـون
يدفع ثمينه لجـل ربـط الوصالـي
عساك تحشر مع عبـادٍ يصومـون
مـع النبـي المصطفـى بالعلالـي
عساالقبر روضٍ به العـز مصيـون
يـــآآرب يامعبـود يـاذا الجلالـي

**
**
بقلم الشــاعر " فهـــد الناصـــر "


•• دمتــــمـ برعــآآآية المولــــى ••

اختي قلبي دليلي
اشكر طرحك الرائع
قصيدة طويلة وجميلة ومؤثرة
شاعر جميل ومتمكن
اشكرك على طرحك الرائع
واحب اشيد بإبداعك المستمر
واصلي ابداعك وتميزك
اشكرك جزيل الشكر
وانتظر جديدك

الله يعطيك العافيه قصيده رائعه الف شكر لك

أخـ قلبـ دليلي ـي ـتي

.....

عساك تحشر مع عبـادٍ يصومـون
مـع النبـي المصطفـى بالعلالـي
عساالقبر روضٍ به العـز مصيـون
يـــآآرب يامعبـود يـاذا الجلالـي

صح لسآآآآنه على القصيدة المؤثره

الله يحفظهم لنآ ويطول بآعمارهم يآآآآآرب

أشكركِ يآآآقمر على الطرح الجميل بصرآآآحه شآآعر مبدع ..

الله يعطيكِ العافيه ومايحرمنا من جديدك يآآآآرب

.....

دمتي برعـــــــآآآآآية الرحمن

اخـــــي الشاعر تركي الفارسي ..
كل الشكر والتقديـــــر لتواجدك وردك ..
نورت صفحتي المتواضعه ورأيك يشرفني اخوي ..
تشــــــــرفت بطلتك العطــــــرهـ ..
دمت برعــآآآية المولى ..