قصيدة أعجبتني

09-01-2010, 05:47 PM

شفت الخبر مكتوب وسط الجريده**شرق التطرف يمتثـل بالعبـاده
جنبه خبر مية شهيـد وشهيـده**راحو ضحية قصف حرب الأباده
صهيون تنعم بالحيـاة الرغيـده**وامر العرب فيما يلـي بالأفـاده
نشجب ونستنكر وفـاة الفقيـده**وحنا ترانـا مكبريـن الوسـاده
وطفل الحجاره والله انـه وليـده**حارب وقاوم لين نـال الشهـاده
قلنا وكـل الـي نقولـه نعيـده**نكذب وكنـا مانخـاف النقـاده
ماعاد هي لحية تحـاك المكيـده**كذا علن صهيون تعرض عتـاده
حنا انعمينا في مطامـع زهيـده**وفي وقتنا الزايل شبعنا هـواده
شفنا الحجاره كيف تقهر حديـده**في يد طفل(ن)للعزيـز اعتقـاده
يمـوت متبسـم بقـوة عقيـده**ويـزف بأكفانـه لغايـة مـراده
لا واهني من كان هـذا حفيـده**وياسعد ابوه ومن حواه بمهـاده
بديتها من العـام سبـة جريـده**واليوم ابنهيها على غير عـاده
شفت الخبر مكتوب وسط الجريده**واليوم اشوفه شوف ماهي افاده

منقول

10-01-2010, 12:37 PM

شفنا الحجاره كيف تقهر حديـده
-------- في يد طفل(ن)للعزيـز اعتقـاده
يمـوت متبسـم بقـوة عقيـده
------- ويـزف بأكفانـه لغايـة مـراده

اخوي ابوعبدالعزيز ..
ابيات مؤثرة ومحزنه ونسأل الله ان ينصر المسلمين بنصرهـ ..
صح لسان كاتبها والله يعطيك العافيه ,,
لاهنت على الطرح ,, تحيتي لك ..
دمت برعاية المولى ..

14-01-2010, 02:36 PM

أختي روح ملاك شكرا على مرورك الكريم الذي انار صفحتي

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

الإهداءات